உள்ளூராட்சி சபைத் தேர்தலுக்கு முன் ஜனாதிபதி தேர்தல்

உள்ளூராட்சி சபைத் தேர்தலுக்கு முன்னதாக ஜனாதிபதித் தேர்தலை நடத்துவதற்கு அரசாங்கம் திட்டமிட்டு வருவதாக உயர்தர அரசியல் வட்டாரங்கள் தெரிவிக்கின்றன.

ஜனாதிபதி பதவிக்கு முதன்முறையாக நியமிக்கப்படும் ஒருவர் அந்த நியமனத்தின் பின்னர் நான்கு வருடங்கள் நிறைவடைந்ததன் பின்னர் மீண்டும் ஜனாதிபதித் தேர்தலை நடத்துமாறு அறிவிக்க முடியும் என அரசியலமைப்பில் குறிப்பிடப்பட்டுள்ளது.

ஆனால் அத்தகைய அழைப்புக்கு முன், உச்ச நீதிமன்றத்தில் விளக்கம் பெறப்பட உள்ளது.

முன்னாள் ஜனாதிபதி கோட்டாபய ராஜபக்சவின் எஞ்சிய காலப்பகுதிக்கு ஜனாதிபதி ரணில் விக்ரமசிங்கவே ஜனாதிபதியாக இருப்பார்.

திரு.கோட்டாபய ராஜபக்ச ஜனாதிபதியாக பதவியேற்று நான்கு வருடங்கள் நிறைவடையும் இந்த வருடம் நவம்பர் 17 ஆம் திகதியாகும்.

திரு. கோட்டாபய ராஜபக்சவின் முதல் பதவிக் காலத்தில் திரு. விக்கிரமசிங்க வாரிசு ஜனாதிபதியாகச் செயற்படுகிறார்.

முதல் பதவிக் காலம் முடிவடைந்து 4 வருடங்கள் நிறைவடைந்ததன் பின்னர் புதிய ஜனாதிபதித் தேர்தலை நடத்துவதற்கு திரு.ரணில் விக்கிரமசிங்கவுக்கும் வாய்ப்பு கிடைக்கும் என அரசாங்கம் கருதுகிறது.

இதன்படி, உள்ளூராட்சி மன்றத் தேர்தலுக்கு முன்னதாக ஜனாதிபதித் தேர்தலை நடத்துவதற்கான சாத்தியக்கூறுகள் அதிகம் உள்ளதாக அந்த வட்டாரங்கள் மேலும் கூறுகின்றன.