வவுனியாவில் வயோதிபரை மோதிய உந்துவண்டி – பதட்ட நிலை (காணொளி)

வவுனியா குருமன்காட்டு சந்தி அருகே அதிவேகமாக வந்த உந்துவண்டி மோதியதில் வயோதிபர் ஒருவர் காயங்களுக்குள்ளாகியுள்ளார்.

உந்துவண்டியில் குருமன்காடு பகுதியிலிருந்து காளிகோவில் வீதிக்கு மாறமுற்பட்ட வயோதிபர் மீது வவுனியா நகரிலிருந்து மன்னார் வீதி ஊடாக சென்ற அதிக சிசி உடைய இரு உந்துவண்டிகளில் ஒன்று குறித்த வயோதிபரின் உந்துவண்டி மீது மோதியுள்ளது.

இவ் விபத்தில் வயோதிபர் காயங்களுக்குள்ளாகியிருந்தார்

குறித்த இரு உந்துவண்டிகளும் அதிக வேகத்துடன் பயணித்ததாகவும் அதிவேகமே இவ் விபத்துக்கு காரணம் என தெரிவித்து விபத்து இடம்பெற்ற இடத்தில் ஒன்று கூடிய பொதுமக்களினால் பதட்ட நிலமை காணப்பட்டது.

சம்பவ இடத்திற்கு வருகை தந்த வவுனியா போக்குவரத்து காவல்துறையினர் இரு உந்துவண்டிகளையும் வவுனியா காவல் நிலையத்திற்கு எடுத்துச் சென்றதுடன் மேலதிக விசாரணைகளை முன்னெடுத்து வருகின்றனர்.