யாழில் வாழை செய்கையாளர்கள் கடும் பாதிப்பு
யாழ்ப்பாணத்தில் நிலவும் சீரற்ற கால நிலையால் , வாழை செய்கையாளர்கள் கடும் பாதிப்பினை எதிர்கொண்டுள்ளனர்.
அந்தவகையில் யாழ்ப்பாண் பகுதியில் வாழை தோட்டங்கள் நிறைந்த நீர்வேலி, கந்தன், நவக்கிரி மற்றும் கோப்பாய் ஆகிய பகுதியில் நேற்றைய தினம் வீசிய கடும் காற்றினால் வாழை மரங்கள் வாழை குலையுடன் முறிந்து விழுந்துள்ளது.
இந்நிலையில் வாழை மரங்கள் முறிந்து விழுந்துள்ளதால் தமது வாழ்வாதாரம் பாதிக்கப்பட்டுள்ளதாக வாழைத்தோட்ட உரிமையாளர்கள் கவலை வெளியிட்டுள்ளனர்.
தாம் பெருமளவில் நிதியினை செலவழித்து வாழைகளை பராமரித்திருந்த தாம் ஒரு லட்ச ரூபாய்க்கும் மேற்பட்ட பாதிப்பினை எதிர்கொண்டுள்ளதாகவும் அவர்கள் கவலை வெளியிட்டுள்ளனர்.
இந்நிலையில் உரிய தரப்பினர் தமக்கான் நஷ்ட ஈட்டினை பெற்று தர வேண்டுமென பாதிக்கப்பட்ட விவசாயிகள் கோரிக்கை விடுத்துள்ளனர்.
நாட்டில் பொருளாதார நெருக்கடியால் பாதிக்கப்பட்ட விவசாயிகளின் வாழ்வில் இயற்கையில் சீற்றமும் பெரும் நக்ஷ்டத்தை ஏற்படுத்தியுள்ளமை பெரும் கவலையை ஏற்படுத்தியுள்ளது.
