கிளிநொச்சியில் வீட்டின் மீது பெற்ரோல் குண்டு வீச்சு – உரிமையாளர் மீது வாள்வெட்டு

கிளிநொச்சி போலீஸ் பிரிவுக்கு உட்பட்ட திருவையாறு மூன்றாம் பகுதியில் அமைந்துள்ள வீடொன்றில் உறவினர்களுக்கு இடையே நேற்றைய தினம் 26.09.2023பகல்வேளை வாய்த்தக்கம் இடம்பெற்றது.

அதனைத் தொடர்ந்து அன்று இரவு இனம் தெரியாதவர்களால் பெட்ரோல் குண்டு வீசப்பட்டுள்ளது. அத்துடன் மோட்டார் சைக்கிள் , வீட்டின் கதவு, மின் விளக்கு, பூச்சாடிகள் என்பனவற்றை இனம் தெரியாதவர்கள் கொத்தி நாசமாக்கியுள்ளனர்.

சேதமாக்கப்பட்ட மோட்டார் சைக்கிளையும் களவாடி சென்றுள்ளனர். இச்சம்பவம் தொடர்பாக இன்று கிளிநொச்சி 27.09.2023 போலீஸ் நிலையத்திற்கு முறைப்பாடு அளித்துவிட்டு திரும்பி வரும் வழியில் வீட்டு உரிமையாளர் மீதும் வாள் வெட்டுத் தாக்குதல் நடாத்தப்பட்டுள்ளது.

இச் சம்பவத்தையடுத்து திருவையாறு பகுதியில் பெரும் பதட்ட நிலை ஏற்பட்டுள்ளதாகவும் இச் சம்பவத்தை அடுத்து கிளிநொச்சி போலீசார் தொடர்ச்சியாக அப்பகுதிகளில் தேடுதல் நடவடிக்கையினை மேற்கொண்டுவருகின்றனர்.