பேருந்தில் பாலியல் தொந்தரவு – கடற்படை சிப்பாய் கைது

ஓடும் பேருந்தில் 40 வயதான பெண் ஒருவருக்கு பாலியல் தொந்தரவு கொடுத்த குற்றச்சாட்டில் கடற்படை சிப்பாய் ஒருவர் கைது செய்யப்பட்டுள்ளார்.

குருணாகல் நோக்கி பயணித்த பேருந்தில் வைத்து குறித்த பெண்ணுக்கு பாலியல் தொந்தரவு கொடுக்கப்பட்டதாக பொத்துஹெர பொலிஸார் கூறியுள்ளனர்.

கைது செய்யப்பட்ட 26 வயதுடைய சந்தேக நபர் திருகோணமலை கடற்படை முகாமில் பணிபுரிந்து வருகிறார்.

குறித்த பெண் பாலியல் தொந்தரவுக்கு உட்படுத்தப்பட்டமை தொடர்பில் பொத்துஹெர பொலிஸாருக்கு அறிவித்ததையடுத்து,

பொலிஸ் குழுவொன்று மல்பிட்டிய பிரதேசத்தில் பஸ்ஸை நிறுத்தி சந்தேக நபரான சிப்பாயை கைது செய்தது.