கொழும்பில் பேருந்துகள் நேருக்கு நேர் மோதி விபத்து – மூவர் காயம்

கொழும்பு – குருநாகல் பிரதான வீதியில் இரண்டு பேருந்துகள் மோதி விபத்துக்குள்ளானதில் மூன்று பேர் மருத்துவமனையில் அனுமதிக்கப்பட்டுள்ளனர்.

கொழும்பு-குருநாகல் பிரதான வீதியின் மெட்டிக்கும்புர அருகே இன்று (13) அதிகாலை 04.30 மணியளவில் இலங்கை போக்குவரத்து சபையின் அநுராதபுரம் டிப்போவுக்குச் சொந்தமான இரண்டு பேருந்துகள் ஒன்றுடன் ஒன்று மோதி விபத்துக்குள்ளாகியிருந்தது.

இரண்டு பேருந்துகளும் கொழும்பு நோக்கிப் பயணித்துக் கொண்டிருக்கையில் ஒன்றையொன்று முந்திச் செல்வதற்கான போட்டியில் இந்த விபத்து இடம்பெற்றுள்ளது.

இந்த விபத்தின் போது பின்னால் வந்து முந்திச்செல்ல முயன்ற பேருந்தின் நடத்துனர் மற்றும் முன் இருக்கையில் இருந்த பயணிகள் இருவர் காயமடைந்துள்ளனர்.

காயமடைந்தவர்கள் குருநாகல் வைத்தியசாலையில் அனுமதிக்கப்பட்டுள்ளதுடன், சம்பவம் தொடர்பான மேலதிக விசாரணைகளை பொல்கஹவெல பொலிஸார் மேற்கொண்டுள்ளனர்.