திருப்பி அனுப்பப்பட்ட ரஞ்சன் ராமநாயக்க

கட்டுநாயக்க பண்டாரநாயக்க சர்வதேச விமான நிலையத்தில் இருந்து முன்னாள் பாராளுமன்ற உறுப்பினர் ரஞ்சன் ராமநாயக்க நேற்றிரவு திருப்பி அனுப்பப்பட்டுள்ளார்.

அவர், நாட்டை விட்டு வெளியேற அனுமதிக்காது குடிவரவு மற்றும் குடியகல்வு அதிகாரிகள் திருப்பி அனுப்பியதாக திணைக்கள பேச்சாளர் தெரிவித்துள்ளார்.

அமெரிக்காவில் இடம்பெறவுள்ள இசை நிகழ்ச்சி ஒன்றில் பங்கேற்பதற்காக ரஞ்சன் ராமநாயக்க விமான நிலையத்தை வந்தடைந்ததாக அவர் கூறியுள்ளார்.

நேற்று இரவு 8.15 மணிக்கு புறப்படவிருந்த கட்டார் ஏர்வேஸ் விமானத்தில் பயணிக்க வந்த நிலையில், அவர் மீதான வழக்குகள் தொடர்பாக நீதிமன்றங்கள் விதித்த பயணத் தடை காரணமாக அவர் நிறுத்தப்பட்டதாக தெரிவிக்கப்பட்டுள்ளது.