விபத்தில் இராணுவ மேஜர் உட்பட மூவர் பலி – இருவர் காயம்

கல்கமுவ – உலகம பிரதேசத்தில் இடம்பெற்ற வாகன விபத்தில் இராணுவ மேஜர் உட்பட மூவர் உயிரிழந்துள்ளதுடன் மேலும் இருவர் காயமடைந்துள்ளனர்.

கார் ஒன்று வீதியை விட்டு விலகி அருகில் இருந்த சுவரில் மோதியதில் இந்த விபத்து ஏற்பட்டுள்ளது.

விபத்து இடம்பெற்ற போது காரில் ஐந்து பேர் பயணித்துள்ளதாகவும், காயமடைந்த இருவரும் கல்கமுவ மற்றும் பொலன்னறுவை வைத்தியசாலைகளில் அனுமதிக்கப்பட்டுள்ளதாகவும் பொலிஸார் தெரிவித்தனர்.